«РСК Банк» ААК делегациясы ШКУ Банктар аралык бирикмесинин кеңешинин отурумунда
«РСК Банк» ААК Башкармасынын Төрагасы Кадырбек Букуев жетектеген делегация 2022-жылдын 23-августунда Өзбекстандын Ташкент шаарында өткөрүлгөн Шанхай Кызматташтык Уюмунун Банктар аралык бирикмесинин (ШКУ БАБ) Кеңешинин XVIII отурумуна катышып келди.
Иш-чарага ШКУга мүчө болуп эсептелген Индиянын, Казакстандын, Кытай Эл Республикасынын, Өзбекстандын, Пакистан Ислам Республикасынын, Россия Федерациясынын жана Тажикстандын алдыңкы каржы институттары катышышты.
Жолугушуу соңунда «ШКУга мүчө-банктардын орто мөөнөттөгү келечекке (2022-2027-жж.) ШКУнун ички регионалдык экономикалык кызматташтыгын колдоо жана өнүктүрүү боюнча биргелешкен иш-аракеттеринин планына» кол коюлду жана «ШКУ БАБ мүчө-банктардын Финансы чөйрөсүндө өз ара аракеттенүү жана кызматташуу принциптери» документи кабыл алынды.
