«РСК Банк» ААК менен UPT кызматташуу келишимине кол коюшту

«РСК Банк» ААК менен UPT (Түркия) эл аралык акча которуу системасынын ортосунда кызматташуу келишимине салтанаттуу кол коюу аземи болуп өттү.

Кол коюу иш-чарасына «РСК Банк» Башкармасынын Төрагасынын орун басары Турсунбек Шакиров жана UPT аткаруучу вице-президенти Мурат Каштан катышты.

Бүгүн Банк жана биздин кардарлар үчүн маанилүү күн. Бул кызматташтыктын аркасында биз финансылык кызматтарды көрсөтүүнүн чектерин жана мүмкүнчүлүктөрүн кеңейтебиз. Иштин жемиштүү болушуна ишенебиз, - деп Т.Шакиров белгиледи.

Урматтуу кардарлар, UPT системасы ишке ашкандыгы тууралуу биз кийинчерээк сиздерге маалымдайбыз.

Маалымат үчүн. UPT Түркиянын эл аралык акча которуу системасы. Компаниянын дүйнөнүн 200 өлкөсүндө 400 миңден ашык тейлөө пункттары бар.