«РСК Банк» экологияны туруктуу өнүктүрүү үчүн корпоративдик социалдык иштердин алкагында активдүү иш алып барууда.

Банк Эл аралык ак илбирсти куткаруу фондунун туруктуу өнөктөшү болуп саналат. Ысык-Көл облусунун Жети-Өгүз районундагы Сарычат-Эрташ коругунда ак илбирстин популяциясын байкоо үчүн «РСК Банктын» эсебинен фото жана видеокөзөмөл тутумдары сатылып алынган.

Андан тышкары банк фонд тарабынан жыл сайын өткөрүлүүчү Кыргызстандын токойчуларын сыйлоо аземин колдоп келет. Бул иш-чаралардын алкагында акыркы жылдары өлкөнүн биологиялык ар түрдүүлүгүн коргоодогу сиңирген эмгеги үчүн 100дөн ашык коргоочу сыйланган.