ШКУ БАБ эксперттеринин жыйыны
2020-жылдын 23-24-апрель күндөрү ВЕБ.РФ Мамлекеттик Инвестициялык Банкынын төрагалыгы астында Шанхай Кызматташтык Уюмунун Банктар аралык Бирикмесинин (ШКУ БАБ) онлайн семинары болуп өттү.
"РСК Банк" ААКнун эксперттер жана координаторлор тобун "РСК Банк" ААКнун Төрагасынын орун басары Жакыпова Айчүрөк жетектөөгө алды.
Жолугушуунун жыйынтыгы боюнча, ШКУга мүчө өлкөлөрдүн экономикасы үчүн пандемиянын кесепеттерин жоюу боюнча “жол картасын” кабыл алуу, ШКУнун көп тараптуу Соода-экономикалык кызматташтык программасын 2025-жылга чейин ишке ашыруу жана башкалар пландаштырылды.
Айчүрөк Жакыпованын айтымында, дүйнөдөгү пандемия кырдаалына карабастан, онлайн режиминде кеңешменин өткөрүлүшү ШКУнун катышуучу-мүчө өлкөлөрүнүн Банктар аралык бирикменин принциптерине жана баалуулуктарына тилектештигинин дагы бир далили болуп саналат.
