«РСК Банк» айыл чарба тармагындагы өндүрүүчүлөргө 706 миллион сомго кредит берди
«РСК Банк» ААК Кыргызстандын дыйкандарын колдоо максатында «Айыл чарбасын каржылоо – 11» (АЧК – 11) мамлекеттик программасын ишке ашырууда.
“АЧК-11” долбоорунун чегинде, Банк эки категория боюнча жылдык 6% (6,17% эффективдүү) чен менен жеңилдетилген кредиттерди берүүдө:
• Мал чарбачылыгына;
• Өсүмдүк өстүрүүгө.
2023-жылы РСК Банкка 1,65 миллиард сом бөлүнгөн. Бүгүнкү күнгө карата республика боюнча 1 427 115 405 сом суммасына 2 959 арыз кабыл алынды. Иш жүзүндө жалпы суммасы 706 млн сомго барабар 1 559 кредит берилгенин баса белгилеп кетебиз. Алардын ичинен:
• мал чарбачылыгына – жалпы суммасы 600 993 000 сомго 1 299 кредит;
• өсүмдүк өстүрүүгө – 105 395 000 сом суммасында 260 кредит.
Мында, Чүй областы боюнча 297, Ысык-Көл областы боюнча 230, Нарын областы боюнча 189, Талас областы боюнча 125, Жалал-Абад областы боюнча 405, Ош областы боюнча 226, Баткен областы боюнча 87 кредит берилген.
РСК Банк 2013-жылдан бери “Айыл чарбасын каржылоо” программасын ишке ашырууга катышып келе жатканын белгилеп кетебиз. Бул жылы АЧК-11 чегинде каражаттар 15-марттан тарта бериле баштады.
