Эми “РСК Банк” ААК Ипотекалык кепилдик берип баштайт

Бүгүн “РСК Банк” ААК, “Кепилдик фонд” ААК жана “ Мамлекеттик Ипотекалык Компания” ААК ортосунда ипотекалык кепилдиктерди берүү боюнча келишимге кол коюлду.

🎯 Бул келишим Кыргыз Республикасынын аймактарында иштеп жүргөн жарандар үчүн ипотекалык турак-жайды каржылоонун жеткиликтүүлүгүн жогорулатууга багытталган. Турак-жайды каржылоонун мамлекеттик программасынын чегинде ипотекалык кредит алуу үчүн баштапкы төлөмү жетишсиз болгон кардарларга алардын ипотекалык кредит боюнча милдеттенмелеринин бир бөлүгүн камсыздоо кепилдиктери берилет.

Кредит берүүнүн шарттары тууралуу кененирээк маалымат кийинчерээк жарыяланат.