Пенсионерлерди жана социалдык жөлөк пул алуучуларды колдойбуз!
«РСК Банк» ААК Кыргыз почтасынын бөлүмдөрүндө жайгашкан банкоматтарынан жана pos-терминалдарынан пенсияларын алуучу пенсионерлер жана социалдык жөлөк пул алуучулар үчүн Өзгөчө абал күндөрү бардык төлөм акыларды (комиссия) алып салууда.
Мындай учурда сиздер пенсия жана жөлөк пулдарды “Элкарт” картасы аркылуу төлөм акыларысыз (комиссиясы жок) ала аласыз, анткени, Банк бардык төлөм акыларды (комиссия) кармабайт жана Кыргыз почтасынын төлөм акыларынын (комиссия) компенсациясы боюнча бүт чыгашаларды Банк өзүнө алат.
МААНИЛҮҮ! Комиссия автоматтык түрдө алынат. Бирок, РСК Банкы бул комиссиянын суммасын сиздин картаңызга кыска убакытта которуп, ордун толтурууга кепилдик берет.
РСК Банк өлкөбүздөгү Өзгөчө абал күндөрү пенсионерлерди жана социалдык жөлөк пул алуучуларды колдоого алат жана алардын каражаттары толук көлөмдө сакталышына болгон мүмкүнчүлүктөрдү түзүүгө даяр.
