«РСК Банк» Ысык-Көлдүн жээгин таштандыдан тазалоону улантууда!
«РСК Банк» өзүнүн 27 жылдык мааракесине карата Балыкчы, Чолпон-Ата жана Корумду шаарларынын администрацияларына шаардык пляждарга орнотуу үчүн сорттоочу урналарды белекке берди. Бул колдоо Ысык-Көлдүн жээгиндеги стихиялуу таштандылар маселесин чечүүгө көмөк көрсөтүү максатында берилди.
Ошондой эле, банктын башкы офисинин, Чолпон-Ата жана Түп филиалдарынын жамааттары КР ӨКМ менен биргеликте Корумду айылынын пляжында масштабдуу коомдук ишке катышты.
Биздин кесиптештер пляжды жана жээкке жакын аймакты таштандылардан, ал эми суучулдар Ысык-Көлдүн түбүн тазалашты.
Эске салсак, бул «РСК Банктын» жана ӨКМнин кызматкерлеринин катышуусундагы экинчи ишембилик. Буга чейин мындай иш-чара Балыкчы шаарындагы көл жээгинде уюштурулган.
Белгилей кетсек, көлдү тазалоо иштери «РСК Банк» тарабынан ишке ашырылып жаткан ESG стратегиясынын алкагында жүргүзүлүүдө.
