Бажы кызматтарын онлайн төлөңүз!
«РСК Банк» ААК Кыргызстанда биринчилерден болуп Кыргыз Республикасынын Финансы министрлигине караштуу Мамлекеттик бажы кызматы менен бирге RSK24 мобилдүү банкинг аркылуу бажы төлөмдөрүн төлөө боюнча керектүү кызматты ишке ашырды.
Эми кардарларга RSK24 мобилдүү тиркемеси аркылуу бажы төлөмдөрүнүн эки түрүн төлөө мүмкүнчүлүгү түзүлдү: бажы төлөмдөрү (аванс) жана пакет белгиси боюнча бажы төлөмдөрү. Мындай учурда, төлөм МБК системасында дароо көрсөтүлөт.
Бул долбоор бажы төлөмдөрүн төлөөнү жөнөкөйлөтүү жана бажылык тариздөө иштерин тездетүү максатында иштелип чыккан.
Белгилей кетүүчү жагдай, РСК Банк Кыргызстанда нак эмес төлөмдөрдүн үлүшүн көбөйтүү жана финансылык кызмат көрсөтүүлөрдү санариптештирүү программасынын алкагында RSK24 мобилдүү банкингинде мамлекеттик кызматтардын санын көбөйтүү багытындагы иштерди тынымсыз алып барууда.
