РСК Банктын Ош филиалынын кызматкерлери бош орундар жарманкесине катышышты
Ушул жылдын 27-апрелинде РСК Банктын Ош филиалынын кызматкерлери С. Ибраимов атындагы Ош кыргыз драма театрында өткөрүлгөн бош орундар жарманкесине катышышты. Бул иш-чарада алар биздин Банктын иш-аракети тууралуу бет ачар өткөрүшүп, такшалуудан өтүү мүмкүнчүлүктөрү тууралуу айтып беришти жана катышуучуларды кызыктырган суроолорго жооп беришти. Бош орундар жарманкесине РСК Банк менен катар Кыргызстандын башка бир катар ири компаниялары дагы катышты.
«РСК Банк» ААКнун кызматкерлери – бул Банктын рыноктогу ийгилигин аныктаган кесипкөйлөрдөн турган ынтымактуу, таланттуу команда. Биз бардык кызматкерлердин өздөрүн эркин алып жүрүүсүн каалайбыз жана буга жетишүү үчүн колубуздан келгендин бардыгын камсыздайбыз. Биз менен иштөө аркылуу сиз кызыктуу долбоорлорго катышууга, жаңы билимдерди алууга, өзүңүздүн билим-көндүмдөрүңүздү көрсөтүп, андан ары да кесиптик жактан өсүүгө мүмкүнчүлүк аласыз.
